Ескі 1000 теңгеліктер айналымнан шығарылады

Бірінші наурыздан бастап Ұлттық банк 2006 жылғы үлгідегі 1000 теңгелік банкноттарды айналымнан шығарады. «Әкімшілік құқық бұзушылық туралы» кодекске сай қолданыстағы банкноттарды қабылдаудан бас тартқан шағын, орта және ірі кәсiпкерлiк субъектiлерiне 5-25 айлық есептiк көрсеткiш мөлшерiнде айыппұл салынады. Бұл туралы «Хабар.кз» жазады.

Ескі банкноттарды банктер қабылдау не айырбастаудан бас тартса, 50 айлық есептiк көрсеткiш көлемінде айыппұл төлейді. 1 наурыздан кейін де кез келген банкте ескі 1000 теңгеліктерді айырбастап алуға болатынын еске саламыз.

Бірыңғай жинақтаушы зейнетақы қоры жекеменшік не шетелдік компаниялардың басқаруына берілуі мүмкін. Әрине, Ұлттық банк өз бетімен шешім қабылдай алмайды. Барлығы заң жүзінде болуы тиіс. «Мұндағы басты мақсат – салымшыларға таңдау ұсынып, активтер нарығындағы бәсекелестікті арттыру», – дейді Данияр Ақышев.

Данияр Ақышев, ҚР Ұлттық банкі төрағасы: 

 -БЖЗҚ ұлттық банк бақылауынан шығарылуы тиіс. Біз зейнетақы активтерін басқару функциясын жекеменшік не шетелдік компанияларға беру бойынша белсенді жұмыс жүргізіп жатырмыз. Себебі бүгінде зейнетақы қорына сенімсіздікпен қарайды. Сол үшін ондағы кемшіліктерді жойып, ішкі бақылау жүйесін күшейтуді көздейміз. Бұл ретте Үкімет қолдауы қажет.