Әскери бөлімде үздік сақшыларды марапаттады

Бүгін әскери бөлімде тәуліктік наряд құрамында қарауыл сақшысы міндеттерін мінсіз атқарған мерзімді қызметтегі әскери қызметшілер салтанатты түрде марапатталды.

Марапатталған әскери қызметшілер жоғары деңгейдегі тәртіптілік, жауапкершілік және кәсіби дайындық танытты. Қарауыл қызметінің міндеттерін адал атқаруы, қырағылық танытуы және жарғылық талаптарды қатаң сақтауы бүкіл жеке құрамға үлгі болды.

Бөлім басшылығы әскери қызметшілерге алғысын білдіріп, мұндай қызмет үлгісі әскери тәртіпті нығайтуға және бөлімшенің жауынгерлік әрі қызметтік дайындығын арттыруға ықпал ететінін атап өтті.