Маңғыстауда мемлекеттік қызметшілер арасындағы спартакиада басталды

 3 маусымда Маңғыстау өңірінде ҚР Мемлекеттік қызмет істері агенттігінің Маңғыстау облысы бойынша департаментінің облыстық дене шынықтыру және спорт басқармасы, Ақтау қалалық мәдениет және спорт бөлімімен бірлесіп ұйымдастыруымен 23 маусым - Мемлекеттік қызметшілер күні аясындағы мемлекеттік органдар арасындағы спартакиаданың ашылу салтанаты және алғашқы жарыстары болып өтті.

 

 

 

“Халық Арена” спорт кешенінде өткен ашылу салтанатындағы құттықтау сөзінде аумақтық департамент басшысы, Әдеп жөніндегі кеңес төрағасы Тоқтамыс Қадошұлы Жұмағұлов бұл шараның мақсаты мемлекеттік қызметшілер арасында салауатты өмір-салтын насихаттау ғана емес, сонымен бірге мемлекеттік қызметтің оң имиджін қалыптастыру екендігін баса айтты. 

 

Спартакиаданың алғашқы күндерінде бес спорт түрінен жарыстар болып өтті. Атап айтқанда, үстел теннисі, тоғыз құмалақ, қазақ күресі, бильярд, жүзу. 10-11 маусымда волейбол және шағын футболдан жарыстарды өткізу жоспарлануда. 

 

Спорттық жарыстарға облыс бойынша жалпы саны 100-ден астам мемлекеттік мекеме өкілдері қатысады деп күтілуде. Жеңімпаздар Талдықорған қаласында өтетін республикалық спартакиадаға жолдама алатын болады.