Маңғыстаулықтар Түркияға 1,5 тонна гуманитарлық көмек жіберді

Маңғыстау облысының тұрғындары зілзаладан зардап шеккен Түркия еліне 1,5 тонна гуманитарлық көмек жіберді, деп хабарлайды Қоғамдық коммуникация орталығы.

Гуманитарлық көмектің алғашқы легі 11 ақпан күні таңғы сағат 07:40-та «Turkish Airlines» әуе компаниясы арқылы Ақтау- Ыстамбұл бағытында жіберілді.

-Тұрғындардың тарапынан өте көп көмек көрсетілді. Ақтау-Ыстамбұл рейсі ұшағына 1,5 тонна жүк тией алдық. Барлықтарыңызға ризашылығымызды білдіреміз. Алла разы болсын, - деді Түркия Республикасының Ақтау қаласындағы бас консулы Сабри Альптекин.

Бас консулдың айтуынша, сыймаған және тағы да жиналған киімдер келесі рейстермен жолданатын болады.