Ақжігіт ауылында жаңа футбол алаңы салынды

Бейнеу ауданына қарасты Ақжігіт ауылында шағын футбол алаңының құрылысы аяқталып, ел игілігіне берілді, деп хабарлайды Қоғамдық коммуникация орталығы.

Бейнеу ауданы әкімдігі баспасөз қызметінің мәліметінше, жаңа футбол алаңы облыстық бюджет есебінен салынды. Алаңның жалпы құны 3,5 млн. теңгені құрады.

Жалпы ауданы 800 шаршы метр болатын алаң жасанды көгалмен(газон) көмкерілген. Спорт нысанының жан-жағы арнайы қоршаумен қоршалып, абаттандырылды.

- Ауданымызда бұқаралық спортқа баса көңіл бөлінуде. Соның арқасында Ақжігіт ауылында жаңа футбол алаңы салынып отыр. Бұл ауыл балалары және ауылмыздың футбол құрама командасы үшін өте қажетті нысан еді. Енді міне бұл мәселе де шешімін тауып отыр. Жаңа футбол алаңы ауыл жастарының спортқа деген ықыласын арттырып, ауылымыздың сәнін келтіріп тұр, - деді Ақжігіт ауылының әкімі Жандос Салиев.