Маңғыстау облысында жолдардың қыс мезгіліндегі жай-күйі тексерілді

Жол активтерінің ұлттық сапа орталығының қызметкерлері 2022 жылдың қаңтарынан бері облыс аумағындағы трассаларда 21 рет бақылау шарасын өткізді.

Бұл бағыттағы жұмыстар «Ақтау-Құрық» жолының 13-72 шақырымында, «Доссор-Құлсары-Бейнеу-Сай-Өтес-Шетпе-Жетібай-Ақтау» тас жолының 210-786 шақырымында, «Жетібай-Жаңаөзен-Кендірлі-Түркіменстан Республикасының шекарасы» бағытындағы жолдың 0-229 шақырымында және «Бейнеу-Акжігіт-Өзбекстан Республикасының шекарасы» трассасының 0-85 шақырымында жүзеге асты.

«Жолдарға төгілген құм-тұз аралас қоспалардан 13 рет іріктеп алу және құрамын талдау жұмыстары жасалды. Ешқандай ақаулық табылған жоқ, - дейді жол сапасын бақылаушы мамандар. 

«Қазіргі уақытта «Құрық-Жетібай» жолының 0-40 шақырымында, сондай-ақ 40-64 шақырымында күрделі жөндеу жұмыстары жалғасып жатыр. Ол жерлерден де жол құрылысы материалдары мен жұмыс сапасын тексеру үшін 4 рет бақылау шарасы өтті. 25 материал іріктелініп алынған болатын. Зертханада талдау кезінде ешбір ақаулық табылған жоқ. Әдетті трассалардың қыстың кезеңде жай-күйін тексеруді «Қазақавтожол» мекемесімен бірлесе жасап келеміз» - дейді Маңғыстау филиалының сарапшысы Гүлжамал Тәжібаева.
«ЖАҰСО» баспасөз қызметі