Қарақия ауданының тұрғыны жылыжайдан айына бір тоннадан аса өнім алып отыр

Қарақия ауданындағы Құланды ауылының тұрғыны Бауыржан Жүсіпов 450 шаршы метр жерге шағын жылыжай салып, өткен жылдың қыркүйек айында қияр тұқымын өсіре бастаған. Жылыжай жыл бойы өнім береді.

Бауыржан Жүсіпов күнара 100-120 кг қиярды жинап алып, ауыл дүкені мен базарға өткізеді. Қысқы маусымның өзінде айлық түсімі 1 тоннадан кем емес. Көктем басталмай сепкен қияр мен қызанақ тұқымы да өскінге айналған. Бауыржан Жүсіпов жылыжайға қажетті тыңайтқыш құрттарды Шымкенттен алдырып отыр.

Алда жылыжай құрылысын кеңейтіп, кәсібін ұлғайтпақ. Ауылдың 2 тұрғынын жұмыспен қамтып, әрқайсысына 100 мың теңгеден айлық жалақы төлейді.  Егіншіліктің қыр-сырын меңгерген жас кәсіпкер «Кәсіп ашамын» деген ауылдастарына да көмектесуге әзір.

Қарақия ауданы әкімдігінің баспасөз қызметі