Ел Тәуелсіздігінің 30 жылдығы аясында «Қазыналы Қарағия» кітабы жарық көреді
20 Октября 2021 (14:59) | 1462 | Автор: Редакция
Бұл туралы Қоғамдық коммуникация орталығында өткен брифингіде Қарақия ауданының әкімі Қыдырберді Беков мәлім етті.
Оның айтуынша, «Қазыналы Қарағия» энциклопедиясы 7 бөлімнен тұрады. Кітапта аудан мен оған қарасты ауылдардың тарихы, табиғаты, тарихи ескерткіштері, өндіріс орындары қамтылады. Сондай-ақ «Маңғыстау мұнай-газ барлау» өндіріс орны, мұнайшылар мен ауданның дамуына үлес қосқан әр саланың ардагерлері туралы материалдар жазылады.
«Бұл кітап Қарақия ауданы туралы кең мазмұнда, энциклопедия түрінде жарық көреді. Жинаққа әр жылдары ауданды басқарған басшылардың тәжірибесі, пікірлері мен ойлары енгізіледі. Дыбыс үндестігін сақтау мақсатында еңбек атауын «Қарағия» деп «ғ» әрпімен жазуды жөн көрдік. Қазір баспаға жіберуге дайын тұр. Авторы ҚР Журналистер одағының мүшесі Шынар Кендін. Кітаптың толық мәтіні ҚР Әділет министрлігінің Ұлттық зияткерлік меншік институтына жолданып, авторлық құқық алынды», - деді әкім.
будьте в курсе всех новостей Присылайте свои новости на WhatsApp
+7 777 259 44 50
Зарегистрируйтесь или войдите в систему