Тәуелсіздік жылдары Түпқарағанда халық саны 2,5 есе өскен

Тәуелсіздік жылдары Түпқараған ауданында халық саны 2,5 есе өскен. Бұл туралы Түпқараған ауданы әкімдігінің баспасөз қызметі хабарлады.

Маңғыстау облысының батысында орналасқан Түпқараған ауданы осыдан 29 жыл бұрын құрылған. ҚР Жоғары Кеңесі Президумының 1992 жылдың 06 шілдесіндегі №1560-ХП қаулысымен аудан тарихының алғашқы беттері ашылды.

Ауданда алғашында 5 елді мекен, 45 орындық «Айгүл» балабақшасы мен 140 орындық «Құлыншақ» балабақшасы болған. Содан бері ауданның аумағы кеңейіп, халық саны өсті. Қазір Түпқарағанда 22 балабақша мен 5 мектеп бой көтерді.

1991 жылы халық саны 14 мыңды құрады. Ал соңғы статистикалық есепке сәйкес, аудан тұрғындарының саны 2,5 есе өсіп, 34197-ге жеткен. Сондай-ақ мұнда 28 800 жұмыс орны құрылды. Кәсіпкерлер саны 0,2-ден 2 мыңға артқан.

Түпқараған ауданы әкімдігінің баспасөз қызметі