Отанды қорғау – қасиетті борыш

10 Мая 2021 (11:02) | 1371 | Автор: Редакция

1992 жылдың 7 мамырында Елбасы Нұрсұлтан Назарбаевтың «Қазақстан Республикасының Қарулы Күштерін құру туралы» Жарлығына сай дербес әскеріміз құрылды. Сол себепті осы дата Отан қорғаушылар күні деп белгіленді. Міне, содан бастап мемлекетімізде ерлік, міндет, абыройды қатар алып жүрген жандардың мерекесі әр жыл сай аталып келеді.

Мерейлі мереке күні Маңғыстау облысының қорғаныс істері жөніндегі департаментінде салтанатты шара өтті.

Департамент бастығы полковник Мақсат Тастанов отставкадағы полковник, ардагерлер кеңесінің төрағасы Нұрлыбай Қонақбаевқа бірлескен жемісті жұмысы үшін алғыс білдіріп, мерекемен құттықтады. Сонымен қатар, ҚР Қорғаныс министрі генерал-лейтенант Нұрлан Ермекбаевтың алғыс хатын табыс етті.

«Қарулы Күштерінің ардагерлері» Республикалық қоғамдық бірлестігінің Маңғыстау облыстық филиалының төрағасы Нұрлыбай Қонақбаев: «Өшпес даң пен өлшеусіз ерліктің өнегесіне айналған бабалар аманатына берік болайық. Баршаңызға амандық, бейбіт өмір, бақ-береке тілеймін. Мереке құтты болсын! Қазақстан Республикасының Қарулы Күштері жасай берсін", - деп жылы лебізін білдірді.

Қазақстан Республикасы Қорғаныс министрлігі Ақтау гарнизонының баспасөз қызметі