Ұлттық Банктің 1000 теңгелік банкноттар туралы ақпараттық хабарламасы

Қазақстан Республикасының Ұлттық Банкі 2006 жылғы үлгідегі номиналы 1000 теңгелік банкноттарды айырбастау 2021 жылғы 28 ақпанда аяқталатынын еске салады.

2006 жылғы номиналы 1000 теңгелік банкноттарды Ұлттық Банктің барлық филиалдарында олардың айналыста болуының аяқталу күнін күтпей-ақ айырбастауға болады.

Сонымен қатар, Қазақстан Республикасының Ұлттық Банкі заңды төлем құралы болып табылатын номиналы 1000 теңгелік естелік банкноттардың айналыста екенін хабарлайды.

Қазақстан Республикасының Әкімшілік құқық бұзушылық туралы Кодексіне сәйкес айналыстағы банкноттарды қабылдаудан бас тарту шағын кәсіпкерлік субъектілеріне немесе коммерциялық емес ұйымдарға – бес, орта кәсіпкерлік субъектілеріне – он, ірі кәсіпкерлік субъектілеріне жиырма бес айлық есептік көрсеткіш мөлшерінде айыппұл салуға әкеп соғады.

Банктердің және банк операцияларының жекелеген түрлерін жүзеге асыратын ұйымдардың банкноттарды қабылдаудан, айырбастаудан және алмастырудан бас тартуы елу айлық есептік көрсеткіш мөлшерінде айыппұл салуға әкеп соғады.

Сұрақтар туындаған жағдайда қолма-қол ақшамен жұмыс және кассалық операциялар бөліміне телефон арқылы хабарласуға болады: 8 (7292) 701-512.

«ҚР Ұлттық Банкі» РММ Маңғыстау филиалының қолма-қол ақшамен жұмыс және кассалық операциялар бөлімі