Маңғыстауда 15 мамырдан бастап теміржол билеттері кезең-кезеңімен сатылымға шығады
15 Мая 2020 (12:16) | 2169 | Автор: Нурганым Имашева
Аймақ тұрғындарын көптен мазалап келген сауалдарға Маңғыстау облыстық коммуникациялар орталығында өткен жиында жауап берілді.
Сонымен, 2020 жылдың 1 маусымынан бастап Маңғыстау теміржол станциясынан Нұр-Сұлтан, Алматы, Ақтөбе, Атырау және Бейнеу бағыттары бойынша жолаушылар пойыздары кезең-кезеңмен жүре бастайды деп күтілуде.
Қауіпсіздік шаралары теміржол вокзалымен қатар жолаушылар пойызында да қатаң сақталады. Залалсыздандыру жұмыстары жүргізіледі.
-Адамдардың көп шоғырлануына байланысты вокзал ішінде және сыртында 1 метр арақашықтықты сақтап тұрулары маңызды. Осы мақсатта бір-бірнен алшақ тұруы үшін жерге арнайы белгілер қойылады, - дейді Маңғыстау теміржол вокзалының бастығы Алма Айымқұлова.
Енді жол жүру құжатына келсек. Брифинг қонағының айтуынша, теміржол билеттері 15 мамырдан бастап кезең-кезеңімен сатылымға шығады.
1 маусымда Маңғыстау станциясынан күн сайын жүретін №309/310 «Маңғыстау – Ақтөбе» пойызы, ал 2 маусымнан бастап жұп күндері жүретін №37/38 «Маңғыстау – Нұр-Сұлтан-Нұрлы жол» пойызы жолға шығады деп күтілуде.
Ал, қалған жолаушылар пойыздарының жүру қозғалысы туралы ақпарат алдағы уақытта қосымша хабарланады.
-Аймақта карантин тәртібі енгізілгенге дейін билет сатып алып, кейін тапсыруға үлгермей қалған тұрғындар бізге аяқтай келіп те, телефон шалып та жиі хабарласып жатыр. Осы ретте айтарым: белгілі бір себептермен жолға шыға алмай қалған жолаушылардың 6 айға дейінгі уақытта өз билетін кассаға тапсыруына болады. Жол жүру құжатының құны толық көлемде қайтарылады, - дейді Маңғыстау теміржол вокзалының бастығы А.Айымқұлова.
Суреттерді түсірген Маңғыстау облыстық коммуникациялар орталығы
будьте в курсе всех новостей Присылайте свои новости на WhatsApp
+7 777 259 44 50
Зарегистрируйтесь или войдите в систему