Ардақты ағайын, қадірлі жерлестер!

Күллі мұсылман қауымы үшін қасиетті - Рамазан айының басталуымен шын жүректен құттықтаймын!

Айлардың сұлтаны Рамазан – татулық пен береке, сабыр мен төзім, кешірім мен құлшылық айы. Отыз күн ораза ұстап, қайырымды іс жасап, сауапқа кенелетін сәт. Ұлы Жаратушымыздың ұлық мерекесі биыл - өкінішке қарай, қатерлі дертпен қатар келді. Тұтас ел болып ортақ ережені орындасақ, бұл сынақтан сүрінбей өтіп, індетті бірге жеңеміз.

Құрметті маңғыстаулықтар!

Төтенше жағдаймен тұспа-тұс келген қасиетті Рамазан айында ғибадат-құлшылықты және ауызашарды әркім өз отбасында өткізуге шақырамын. Баршаңыздың ұстаған оразаларыңыз қабыл болсын! Еліміз аман, Отанымыз тыныш болғай!

Маңғыстау облысының әкімі С. Трұмов