Айдос Хамиев: «Өңірде 3 мың тонна сұйытылған газ қоры бар»

Халықтың қауіпсіздігін қамтамасыз ету мақсатында елімізде төтенше жағдай енгізілген болатын. Осыған байланысты, Маңғыстау облысы Азаматтық қорғанысының Энергетика қызметі жұмыс атқаруда және негізгі мақсаты облыс тұрғындарын үздіксіз энергоресурстармен қамтамасыз ету.

Бұл туралы облыстық энергетика және тұрғын үй-коммуналдық шаруашылық басқармасының басшысы Айдос Хамиев Маңғыстау облысының Қоғамдық коммуникация орталығында өткен брифингте мәлімдеді.

-Маңғыстау облысы бойынша 301 сұйытылған мұнай газын құю бекеті жұмыс істейді. Бағасы бекітілген ережелерге сәйкес 50 теңгеден 60 теңгеге аралығында.

Алайда, сұйытылған мұнай газын тұтынудың күрт төмендеуіне байланысты кейбір бекеттер газды 47 теңгеден сатып жатыр.

Өңірде 3 мың тонна сұйытылған газ қоры бар,-дейді басқарма басшысы Айдос Хамиев.

Сурет Қоғамдық коммуникация орталығынан және 24.kz сайтынан