Ақтауда қоғамдық көліктер әр 2 сағат сайын тазалануда

Ақтау қаласының 6 бағыт бойынша 70-ке жуық қоғамдық көлігіне дезинфекция жұмыстары күнделікті әр 2 сағат сайын жүргізілуде. Тазалық жұмыстарын көлік жүргізушілері мен жолсеріктер хлор препараттарын қолданып жасайды.

-Әр маршрут бағыты бойынша тиісті мекемелермен келісімдерге отырдық. Қоғамдық көліктерге бекітілген талаптарға сай, жауапты мекемелер автобус кешкі рейстен шыққан соң таңғы 6.40-қа дейін автобазаның ішінде тазалау жұмыстарын жүргізеді.

Ал, 6.40-тан кейін әрбір 2 сағат сайын соңғы аялдамаға келгенде жүргізушілер мен жолсеріктер жасайды. 10 литр суға 1 таблеткадан салып, жуып отырамыз. Аталған шара 15-сәуірге дейін жалғасады,-дейді қалалық №2 маршруттың диспетчері Венера Қасымбекова.

Бұл туралы Ақтау қаласы әкімінің баспасөз қызметі хабарлады.

Сурет баспасөз қызметінен және m.2gis.kz сайтынан