Ақтаудың Арайлымы бас жүлдені жеңіп алды

9 Марта 2020 (12:28) | 1864 | Автор: Нурганым Имашева

Ақпан айында Алматы қаласында «Самға» балалар мен жасөспірімдер шығармашылық орталығы ұйымдастырған «Жалынды жұлдыз, жарқыра!» республикалық онлайн-байқауы өтті. Оған Ақтау қаласынан Арайлым Досметова да қатысып, бағын сынады.

Оның фортепианода ойнап отырған бейнежазбасын ұстазы Лаура Шадманова ұсынып, байқауға жолдайды. Конкурстық шығармаларды саралаған әділқазылар алқасы Арайлымның шеберлігін жоғары бағалаған. Сөйтіп, кәсіби мамандар бірауыздан шешім шығарып, Маңғыстаудың жас өнерпазына «Аспапта ойнау» аталымы бойынша бас жүлдені тағайындаған.

Арайлым Досметова Ақтау қаласындағы №15 мектептің 8-сыныбының оқушысы. Сабақтан бос кезінде «Николайқызы СазОрталығындағы» фортепиано сыныбында оқиды.

Түрлі деңгейдегі байқауларда Маңғыстаудың абыройын асқақтатып жүрген өнерпаз жастардың қатарына қосылған жас талант Арайлымды алғашқы жеңісімен құттықтап, өнердің биік шыңынан көріне беруіне тілек қосамыз.

Сурет Арайлым Досметовадан