Азаматтық қорғаныс күні аталып өтуде

«1-наурыз Бүкіләлемдік азаматтық қорғаныс» күні, осыған орай Жаңаөзен қаласы Төтенше жағдайлар бөлімінің қызметкерлері Жаңаөзен қаласының балабақша бүлдіршіндері арасында сурет салу сайысын ұйымдастырды.

-Іс-шара мақсаты - балаларға өрт қауіпсіздігін ережелерін жете түсіндіру.

Жарысқа 19 балабақшадан 4-5 жас аралығындағы 2 тәрбиеленушіден қатысып, 2 кезеңнен тұратын сайысқа бүлдіршідер белсене қатысты. 1-ші кезеңде тәрбиеленушілер өздерінің салып келген суреттерін не үшін салғандығы бойынша түсінік берді.

2-кезеңде өрт техникалары, құтқарушылар, өрт сөндірушілердің өртті сөндіру сәті бейнеленген графикалық суреттерді бояу болды.

Сайыс соңында қатысушы балалар марапатталып, Жаңаөзен қаласы Төтенше жағдайлар бөлімі атынан жүлделі орын алған балаларға құнды сыйлықтар берілді, сонымен қатар барлық қатысушы балаларға ынталандыру сыйлықтары таратылды,- деп хабарлайды Жаңаөзен қаласы Төтенше жағдайлар бөлімінің бас маманы Г. Кошатов.

Суреттер автордыкі