Жылқы ұрлаған баукеспелер тұтқындалды

19 Декабря 2019 (14:38) | 1867 | Автор: Нурганым Имашева

Маңғыстау облысы Полиция Департаментінің баспасөз қызметінің хабарлауынша, «15.12.2019 жылы сағат 06:30 шамасында "Бейнеу-Шетпе" трассасында Газ-30232-244 маркалы автокөлікпен ешқандай құжаттары жоқ азамат бауыздалған 3 бас жылқыны Ақтау қаласына алып бара жатқан жерінен Маңғыстау ауданы Полиция бөлімінің қызметкерлерімен тоқтатылған».

-Бейнеу АПБ қызметкерлері жүргізілген іс-шаралар нәтижесінде аталған 3 бас жылқының иесі Боранқұл селосының тұрғыны екендігі анықталды.

Кейіннен белгілі болғандай, Боранқұл селосынан 30 шақырым жерде белгісіз біреулер өрісте жүрген 2 бас биесін және 1 бас айғырын мылтық қаруымен атып, содан соң атып алған 3 бас жылқыны сойып, белгісіз автокөлікке тиеп ұрлап кеткен.

Келтірілген шығын сомасы – 1 350 000 теңге. Бұл дерек бойынша ҚР ҚК-нің 188-бабының 2-бөлігі 1-тармағымен СДТБТ-не тіркеліп, жан-жақты тергеп-тексеру жұмыстары жүргізілуде. Күдікті уақытша қамау абақтысында,-делінген баспасөз қызметі жолдаған мәліметте.

Суреттерді түсірген Маңғыстау ауданы Полиция бөлімінің қызметкерлері