Тергеу саласы бойынша брифинг өтті
Курс валют в Актау
на 29/03/2024
 
424.86
428.61
 
514.3
519.05
 
5.83
6.01
Номер редакции: +7 775 350 54 52
Новостной отдел: +7 777 259 44 50
Рекламный отдел: +7 778 399 22 62
reklama@tumba.kz
ПОДАТЬ ОБЪЯВЛЕНИЕ
Пятница,
29 Марта, 03:30
Вход |Регистрация
Главное » Тыныс

Тергеу саласы бойынша брифинг өтті

23 Ноября 2019 (10:02) | 1243 | Автор: Нурганым Имашева

Өңірлік коммуникациялар қызметі алаңында ҚР сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің тергеу жұмысының 9 ай қорытындысы бойынша брифинг өткізілді.

 

 

Есепті кезеңде Агенттіктің алға қойған міндеттерін басшылыққа ала отырып, Департамент тергеу бағыты бойынша айтарлықтай нәтижелерге қол жеткізді. Осы орайда Департаменттің тергеу басқармасының басшысы Бауыржан Баймұрза сыбайлас жемқорлық фактілерінің жолын кесу бойынша жұмыстың тиімділігі 2 есеге артып, пара алу мен бюджет қаражатын ұрлау сияқты сыбайлас жемқорлық схемалары орын алып, Департаментпен 6 дерек анықталып, олар бойынша белгіленген және өтелген шығын 1,2 млрд. теңгені құрағанын айтып өтті.

 

Мысалы, автожол саласында облыстың квазимемлекеттік сектордың екі басшысы яғни «КазАвтоЖол» ҰК АҚ Маңғыстау облыстық филиалының директоры және оның орынбасары ұйымдастырған қылмыстық схеманың жолы кесілді. Атап айтқанда, орындалмаған актілерге қол қою және шарттық міндеттемелерді бұзғаны үшін әкімшілік жауапкершілікке тартпау, мемлекеттік сатып алуды жүзеге асыру кезінде өнім берушінің мүддесін қолдау, сондай – ақ автожол құрылысына бөлінген бюджет қаражатын жымқыру деректері - парақорлықтың негізі болып табылды.

 

Қазіргі таңда жүргізілген талдау нәтижесімен сыбайлас жемқорлыққа бейім салаларды анықтау жұмыстары жүргізіліп келеді. Жүргізілген талдау нәтижесінде жер қатынастары, денсаулық сақтау, құрылыс және ауыл шаруашылығы салалары бойынша қылмыс жолдары кесілді.

 

 

Сондай-ақ, азаматтардың сенім деңгейін арттыру мен сыбайлас жемқорлыққа қарсы күреске жәрдемдесу аясында Департамент 9 адамға 1 млн 416,4 мың теңге көлемінде сыйақы берді.

 

Сонымен қатар, Департаменттің тергеу басқармасының аса маңызды істер жөніндегі офицері Анар Маңқатаева бүгінгі таңда жеке және заңды тұлғалардың өтініштерін қарау жұмыстары сыбайлас жемқорлыққа қарсы қызметтің басым бағыттарының бірі болып табылатынын айтып өтті.

 

Ағымдағы жылдың 9 айы бойынша ҚР сыбайлас жемқорлыққа қарсы іс-қимыл агенттігінің Маңғыстау облысы бойынша департаментіне 633 өтініш келіп түссе, өткен жылдың 9 ай қорытындысында 587 өтініш келіп түскен, яғни өткен жылмен салыстырғанда азаматтардың аталған департаментке сенімінің артқандығы байқалады.

 

Агенттіктің халықпен тығыз өзара байланыс орнату мақсатында құрылған Call-орталығына (1424) 26 өтініш келіп түсіп, оның 2 бойынша қылмыстық іс қозғалған. Сыбайлас жемқорлық құқық бұзушылық фактілері орын алған жағдайда, барлық азаматтар 1424 нөмірі бойынша Call- орталыққа хабарласа алады және ол жөнінде құпиялық қамтамасыз етіледі.

 

Фотоны ұсынған өңірлік коммуникациялар қызметі

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 777 259 44 50
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему