Теңіз жағалауында көшпелі кеңес беру шарасы өтеді

Маңғыстау облысының жастар ресурстық орталығы «Кеңес алаңы» жобасы аясында жастарға көшпелі кеңес беру шарасын ұйымдастыруды жоспарлап отыр.

Ұйымдастырушылардың мәлімдеуінше, «Жастар және қала тұрғындарымен кездесуге Ақтау қалалық әлеуметтік бағдарламалар және жұмыспен қамту орталығы, Маңғыстау облысының «Жаңа Серпін» орталығы, «Тұрғын үй құрылыс жинақ банкі» Маңғыстау облысының аймақтық филиалы, № 1 Ақтау қалалық емханасы, «БЖЗҚ» АҚ Маңғыстау облыстық филиалы, «Халық банкі» Маңғыстау облысы бойынша филиалының мамандары арнайы шақырылған».

-Маңғыстау облысының жастар ресурстық орталығы бір мезетте түрлі саланың мамандарынан кеңестік көмек алу мүмкіндігін қалт жібермей пайдалануға шақырады. Бұл уақытты үнемдеп, түйткілді мәселенің түйінін шешуге жол ашады.

Мемлекеттік мекемелердің мамандары беретін кеңестер тегін. Көшпелі кеңес беру 10 шілде 2019 жылы, сағат 19.00-де Ақтау қаласында 15 шағынаудан, теңіз жағалауында өтеді,- дейді Маңғыстау облысының жастар ресурстық орталығы директорының орынбасары Мұқаш Уралбаев.

Суреттер "Айқын" газеті, Егемен Қазақстан, astana-akshamy.kz сайттарына алынды