Түпқараған ауданының Төтенше жағдайлар бөлімі «Қауіпсіз балалық шақ» акциясын ұйымдастырды

Түпқараған төтенше жағдайлар бөлімімен 14 маусым күні Форт-Шевченко қаласының Каспий теңіз жағалауында мектеп жанындағы лагерьлер арасында «Қауіпсіз балалық шақ» атты акциясы өткізілді.

Шараға Форт-Шевченко мектеп-интернатының «Жалын», Ж.Мыңбаев атындағы мектеп-гимназиясының «Dream camp» және Е.Өмірбаев атындағы орта мектебінің «Caspian» лагерьлерінің командалары қатысты. Акция аясында «Су эстафетасы» және «Өрт эстафетасы» бағыттарында ойын-сайыстары өткізілді. Жалпы сайысқа қатысушылар мен жанкүйерлер саны 100 баланы құрады.

Өткізілген шараны бұқаралық-ақпарат құралдарында жариялау мақсатында аудандық «Ақкетік арайы» газетінің тілшісі қатыстырылды.

Бұл өткізілген акцияның мақсаты: балалардың судағы қауіпсіздігін қамтамасыз ету, ТЖ жағдай кезіндегі іс-қимылдарды үйрету, практика жүзінде шұғыл әрекеттерді қолдана білу, бәсекелестік және бірлестік рухында тәрбие беру болып табылады. Ойын-сайыстармен қатар, лагерьде демалушы балаларға судағы қауіпсіздік және тұрмыстағы өрт қауіпсіздік ережелері түсіндірілді.

Сайыс жеңімпаздары дипломдармен мараппатталды.

Нұрқожа Альджанов

Түпқараған ауданының

Төтенше жағдайлар

бөлімінің бастығы

азаматтық қорғау майоры

Суреттер автордыкі

<>

01234567