Экологиялық заңнаманы бұзған үшін айыппұл салынды

Аумақтық экология департаменті «Каспий жылу-су арнасы» («КЖСА») МКМ-нен 450 077 877 теңге қоршаған ортаға келтірген зиянды өндіру туралы талап арызбен Маңғыстау облысының мамандандырылған ауданаралық экономикалық сотына жүгінді.

Бұл мән-жайлар Маңғыстау облысының табиғатты қорғау прокуратурасымен жүргізілген тексеру барысында анықталған.

Сот отырысы барысында «КЖСА» МКМ-нің 2015-2017 жылдар аралығында Ақтау қаласының жоғарғы шағынаудандарының ағынды суларын тазаламай және атмосфераға шығындарға рұқсат алмай «Кошқар –Ата» қалдық қоймасына төгіп келгені анықталды.

Сот талап арызды қанағаттандырып, «КЖСА» МКМ-нен мемлекет пайдасына 450 077 877 теңге өндірді.

Сот шешімі заңды күшіне енген жоқ.

Айгүл Борашева

Маңғыстау облысы мамандандырыған

ауданаралық экономикалық сотының судьясы

Сурет «Тумбанын» мұрағатынан алынды