Жерді пайдалану мен қорғауды мемлекеттік бақылау туралы дәріс оқыды

Ш.Есенов атындағы Каспий мемлекеттік технологиялар және инжиниринг университетінің құқықтану кафедрасының студенттеріне Маңғыстау облысының мамандандырылған экономикалық сотының судьясы А.Бекболатов «Жерді пайдалану мен қорғауды мемлекеттік бақылау» атты тақырыпта дәріс оқыды.

Аталған дәріс татуластыру рәсімдерін қолдану бойынша және дауларды соттан тыс шешудің басымдықтары туралы оқу-жаттығу жұмыстарын өткізуге арналған татуластыру бойынша оқу орталығында өтті.

Дәріс барысында А.Бекболатов жердi пайдалану мен қорғауды мемлекеттiк бақылаудың мiндеттерi, жердi пайдалану мен қорғауды мемлекеттiк бақылауды ұйымдастыру және оны жүзеге асыру тәртiбi, жердi пайдалану мен қорғауды мемлекеттiк бақылауды жүзеге асыратын лауазымды адамдар, жердi пайдалану мен қорғауды мемлекеттiк бақылауды жүзеге асыратын органдар лауазымды адамдарының құқықтары мен мiндеттерi туралы жан-жақты айтып өтті.

Сондай-ақ, ол жердi пайдалану мен қорғауды мемлекеттiк бақылауды жүзеге асыратын өзге де мемлекеттiк органдарға қоршаған ортаны қорғау саласындағы уәкiлеттi орган, сәулет, қала құрылысы және құрылыс iстерi жөнiндегi уәкiлеттi орган, ауыл, орман, аңшылық және балық шаруашылығы, ерекше қорғалатын табиғи аумақтар, су ресурстарын пайдалану мен қорғау саласындағы уәкiлеттi орган, жер қойнауын пайдалану және қорғау саласындағы уәкiлеттi орган жататындығын атап өтті.

Дәріс соңында судья соттардағы заманауи технологиялар, пилоттық жобалар, соттан тыс дауларды реттеу, экономикалық сотта жиі қаралатын істер туралы мағұлмат берді.

Сая Тулеуова,

Маңғыстау облысының мамандандырылған

экономикалық сотының судьясы

Cуреттерді түсірген автор