«Демеу» жобасы аясында жастарға арналған тегін бизнес курс бастау алды

Бүгін жастарға арналған «Арман» коворкинг орталығында «Бекен» жас көшбасшылар достастығының «Демеу» жобасы аясында тегін бизнес курсының алғашқы сабағы басталды.

Аталған жобаға Ақтау қаласындағы жоғары, арнаулы және кәсіптік оқу орындарында оқитын, әлеуметтік жағынан аз қамтылған және кәсіпкерлікке қызығушылығы бар жастар қатысуда. Қатысушылар 2 ай көлемінде «Атамекен» ұлттық кәсіпкер палатасының Маңғыстау облыстық филиалының бизнес тәлімгерлерінің дәрістерінен өтіп, өңіріміздегі беделді және тәжірибелі кәсіпкерлермен кездесіп, шеберлік сағаттарға қатысуға мүмкіндік алады.

Естеріңізге сала кетейік, «Бекен» жас көшбасшылар достастығының «Демеу» жобасы «Атамекен» ұлттық кәсіпкер палатасының Маңғыстау облыстық филиалының, Маңғыстау облыстық жастар ресурстық орталығының, «Timur Academy» онлайн-офлайн оқыту орталығының қолдауымен жүзеге асырылуда.

Суреттерді түсірген «Бекен» жас көшбасшылар достастығы