Құрметті Маңғыстау тұрғындары және меймандары!!!

Баршаңызды М.Өскінбайұлы атындағы Маңғыстау облыстық филармониясының өнерпаздар ұжымы 31 қаңтар күні кешкі 19:00 - де өтетін концерттік бағдарламаны тамашалауға шақырады.

«Ақжарма. Жаңа леп, жаңа тыныс» деп аталатын концерттік кеште «Ақжарма» фольклорлық ансамблі мен би тобының және Маңғыстаудың жез таңдай, күміс көмей әншілері: Асанәлі Көшеров, Марат Сафаров, Кәмщат Ізтілеуова мен Сәбит Шектібаев, Әзімхан Баймағанбетов, Екпін Толқынхан, Серіжан Масжанов сынды өнерпаздардың өнерін тамашалай аласыздар.

-Концерттік бағдарламада Қазақстан композиторларының туындылары және әлемдік шығармалар орындалып, патша көңілді көрермен қауым дәстүрлі өнердің де кәусар бұлағынан сусындайтын болады,- дейді ұйымдастырушылар.

Өнер кеші бүгін 31 қаңтарда М.Өскінбайұлы атындағы Маңғыстау облыстық филармониясының (5 шағынаудан) концерт залында сағат 19:00-де басталады.

Концертті тамашалап, өздеріңіз бен жақын-туыстарыңызға, дос-жарандарыңызға рухани, мәдени демалыс сыйлаңыз әрі өресі биік ұлттық өнеріміздің өрістей түсуіне қолдау танытыңыз, ардақты ағайын!

М.Өскінбайұлы атындағы Маңғыстау облыстық филармониясының өнерпаздар ұжымы сіздерді концертте күтеді.

Бейнежазба мен афиша суретін ұсынған М.Өскінбайұлы атындағы Маңғыстау облыстық филармониясы