Қарақия ауданының өртсөндіруші-құтқарушылары өткен жылғы төтенше жағдайларды саралады

Қарақия ауданының Төтенше жағдайлар бөлімінің хабарлауынша, қаңтардың 16-сы күні Қарақия ауданының Төтенше жағдайлар бөлімі, №2, №11 өрт сөндіру бөлімінің және Құрық ауылының Жедел құтқару жасағы қызметтерінің 2018 жылдың қорытындылары бойынша Маңғыстау облысы Төтенше жағдайлар департаменті бастығының орынбасары полковник М.Х.Мұханбетовтың төрағалығымен жиын өтті.

Басқосу барысында өткен жылдың елеулі мәселелері талқыға түсіп, ТЖ алдын-алу мен олардың салдарынан орын алатын адам қазасын болдырмау сынды мәселелер көтерілді.

Қарақия ауданының Төтенше жағдайлар бөлімі бастығының міндетін атқарушы азаматтық қорғау аға лейтенанты Д.Елшібаев әрі қарай №2, №11 Өрт сөндіру бөлімі және Құрық ауылының Жедел құтқару жасағының басшылары 2018 жылғы атқарылған жұмысының қорытындысы және негізгі міндеттер туралы баяндамаларымен сөз сөйледі. Баяндамашылар азаматтық қорғаныс, төтенше жағдайлардың алдын-алу, жергілікті атқару органдарымен өзара әрекеттістігі және болып жатқан өрттер жайында мәселелер қозғады.

-Жиынды қорытындылай келе полковник М.Х.Мұханбетов Төтенше жағдайлар бөлімінің, №2, №11 өрт сөндіру бөлімдерінің және Құрық ауылының Жедел құтқару жасағының атқарылған жұмыстарына оң бағасын беріп, ағымдағы жылға құрылымдардың қызметін жетілдіру бойынша міндеттер қойды.

Сонымен қатар ТЖ фактілеріне дереу әрекет ету, үгіт-насихат жұмыстарын жүргізуді басты назарда ұстау қажеттігін атап өтті.

Сондай-ақ Төтенше жағдайлар департаменті бастығының орынбасары тарапынан барлық бағыттағы қызметті дамыту жөнінде тапсырмалар берілді,- деп хабарлайды біздің басылымға Қарақия ауданының Төтенше жағдайлар бөлімі.

Суреттерді түсірген Қарақия ауданының Төтенше жағдайлар бөлімі