Жаңаөзендік азаматтық қорғау капитаны «Жыл адамы-2018» атанды

Маңғыстау облысы Төтенше жағдайлар департаменті Өрт сөндіру және авариялық құтқару жұмыстары қызметінің ақпарат және мемлекеттік тіл тобының хабарлауынша, Жаңаөзен қаласы Мұнайшы мәдениет үйінде 2018 жылдың 26-шы желтоқсаны күні Жаңаөзен қаласы әкімдігінің ұйымдастыруымен 2018 жылды қортындылау және қалалық мекемелердің үздік маманын анықтау мақсатында салтанатты жиын өтті.

Салтанатты кеште жиынға қатысушыларға Жаңаөзен қаласының әкімі Дауылбаев Әділбек Құлынтайұлы шаһардың 50 жылдық мерей тойымен құттықтап, сондай-ақ жыл ішінде атқарылған жұмыстар бойынша қысқаша тоқталып өтті.

2018 жылдың 26 номинация бойынша үздік мамандарын марапаттады. «Жыл адамы-2018» атағын алушылардың қатарында №13 мамандандырылған өрт сөндіру бөлімі бастығының орынбасары азаматтық қорғау капитаны Сопыбеков Асқар Шералыханұлы «Жыл адамы-2018», «Жылдың үздік өрт сөндірушісі» атағымен марапатталды.

- Маңғыстау облысы Төтенше жағдайлар департаменті Өрт сөндіру және авариялық құтқару жұмыстары қызметінің басшылары Сопыбеков Асқар Шералыханұлын абыройлы марапатымен құттықтады,- деп хабарлайды осы ақжолтай жаңалықпен бөліскен Маңғыстау облысы Төтенше жағдайлар департаменті Өрт сөндіру және авариялық құтқару жұмыстары қызметінің ақпарат және мемлекеттік тіл тобы.

Суретті түсірген Рукья Сычева