Аймақта жол қозғалысының қауіпсіздігі апталығы өтуде

Таңертең ертемен ақтаулық полицейлер облыстық қан орталығында кезекте тұрды.

 19 қарашада бүкіләлемдік қауымдастық «Жол-көлік апатының құрбандарын еске алу күнін» атап өтеді. Осы атаулы күнге арнап Ақтау жол полициясы қан тапсыру науқанын атап өтуді ұйғарды. Осыған байланысты  облысымызда қараша айының 12-нен 18-не дейін ауқымды республикалық «Жол қозғалысының қауіпсіздігі апталығы»  науқаны өтеді.   

-Науқанға Полиция департаментінің 25 ЖПҚ қызметкері, Мамандандырылған күзет қызметі басқармасы, жол-патрульдік полиция, ювеналдық полиция, учаскелік полицейлер, жедел уәкілдер қатысып, қан тапсыруды сәтті орындады.

Жалпы алғанда, олар тәңертеңнен бері 10 литр қан тапсырды. Аталмыш науқан жыл сайын өткізіліп, ақтаулық тәртіп сақшылары онда белсенді қатысып келеді, - деп хабарлады Маңғыстау облысының ПД-ның Баспасөз қызметінде.

Алдымен полицейлер тіркеу рәсімінен, содан кейін терапевт дәрігердің қарауы мен зертханалық диагностикадан өтті. Осыдан кейін донорлар мобильді қан дайындау кешенінің арнайы жабдықталған кеңсесіне барды.

Полиция департаментінің ЖПҚ бастығы Мадияр Омаров:

- Осылайша, полиция қызметі апаттар санын азайтуға ғана емес, сонымен қатар зардап шеккендерге көмек көрсете отырып, олардың азаматтық жауапкершіліктерін көрсетеді.

Бұл іс-шара арқылы полиция қызметкерлері жолдардағы қайғылы өлім жағдайларын және жол қозғалысына қатысушылардың  басынан өткеретін үлкен қатеріне жұртшылықтың назарын аударуға  жұмыстанады.

Сонымен қатар, өзара сыйластыққа, жолдағы қауіпсіздік ережелерін сақтауға, жүргізушілердің мәдеиетін арттыруға, жол-көлік апаттарына жол бермеуге зор үлестерін қосады.

Шараға дайындалуы үшін тәртіп сақшылары оның өтетіні туралы алдын-ала ескерту жасайды. Көптеген мемлекеттік ведомстволар, соның ішінде құқық қорғау органдары үшін бұл шара корпоративтік қан беру деп аталатын жақсы дәстүрге айналды. Тәртіп сақшылары аталмыш шараны үнемі  қолдап отырады. Күн сайын олар қызмет бабында адамдардың бақытсыздық жағдайына жиі кезігеді және өмірде қиын жағдайға тап болғандар үшін донордың көмегінің қаншалықты қажетті екенін түсінеді.

Апатты жол оқиғаларынан зардап шеккен адамдар үшін көбінесе  поицейлер кезекшіліктен бос кезде донор болады.

Бұл туралы біздің басылымға Маңғыстау облысы Полиция департаментінің баспасөз қызметі хабарлады.

Суреттерді түсірген Маңғыстау облысы Полиция департаментінің баспасөз қызметі