Ақтау қаласының аумағында заңсыз жұмыс істеп тұрған букмекерлік орталықтары анықталды

Тонау және қарақшылық деректерінің алдын-алу мақсатында Ақтау қалалық ПБ-ның қызметкерлерімен қала аумағында заңсыз жұмыс істеп тұрған букмекерлік орталықтары анықталды.

- 10.11.2018 жылы Ақтау қаласы 7 шағын ауданда заңсыз букмекерлік орталығы анықталып, дүкен ішінен 22 дана монитор, 22 дана компьютер блогы, 21 дана тінтуір (мышка) және 2 дана кассалық аппарат тәркіленіп алынды. 

Аталған дерек бойынша сотқа дейінгі тергеп тексерудің бірыңғай тізіліміне ҚР ҚК-нің 307-бабының 1-бөлігімен тіркеліп, қылмыстық іс қозғалды.

- 12.11.2018 жылы Ақтау қаласы 5 шағын ауданда орналасқан шағын маркеттің бірінің жертөлесінде букмекер кеңсе орталығы заңсыз жұмыс істеп отырғаны анықталып, жертөле ішінен 21 дана монитор, 21 дана компьютер блогы, 21 дана тінтуір (мышка), 2 дана кассалық аппарат, 4 дана теледидар және де 2 дана ойын терминал аппараты тәркіленіп алынды. 

Аталған дерек бойынша сотқа дейінгі тергеп тексерудің бірыңғай тізіліміне ҚР ҚК-нің 307-бабының 1-бөлігімен тіркеліп, қылмыстық іс қозғалды.

Бұл туралы біздің басылымға Ақтау қалалық Ішкі Істер Басқармасының баспасөз қызметі хабарлады.

Суреттерді түсірген Ақтау қалалық Ішкі Істер Басқармасының баспасөз  қызметі