Ақтауда «Тұрғын үй-2018 ″ маусымдық-алдын алу операциясы жүргізілуде

Маңғыстау облысы ТЖД Ақтау қаласының Төтенше жағдайлар басқармасы Ақтау қаласының аумағында ағымдағы жылдың 15 қыркүйек пен 15 қазан аралығында "Тұрғын үй-2018" маусымдық-алдын алу айлығын ұйымдастырып, өткізуде.

«Тұрғын үй-2018» айлығының негізгі мақсаты - тұрғын үй секторы объектілерінің өрт қауіпсіздік жағдайын арттыру, тұрғын үйлердегі өрттердің санын азайту, сондай-ақ халықты өрт қауіпсіздік шараларына және өрт туындаған жағдайдағы іс-әрекеттерге оқыту болып табылады.

"Тұрғын үй-2018" операциясы аясында Маңғыстау облысының жастар ресурстық орталығының ерікті жастарымен бірлесіп, 22 шағын аудан 4,5,6 үйлердің тұрғындарына аула аралау үгіт-насихат жұмыстары жүргізілді және 150-ден астам тұрғындарға жадынамалар таратылып, нұсқаулықтар өткізді.

Тұрғындарға күзгі өрт қауіпті кезеңде тұрмыстық электр жылыту және газ құралдарын пайдалану, сондай-ақ пешті пайдалану ережелері бойынша өрт қауіпсіздік талаптары түсіндірілді.

Сонымен қатар тұрғындардың өз тұрғын үйлері мен пәтерлеріндегі қарапайым өрт қауіпсіздігі талаптарын сақтауға назарларын аударғым келеді:

- үй-жайларды жылыту кезінде қолдан жасалған электр құралдарын пайдаланбаңыз;

- желіге қосылған электр құралдарын қараусыз қалдырмаңыз;

- - тез тұтанатын заттарға тікелей жақын жерде электр жылытқыштарды орнатуға болмайды;

- электр сымдарының оқшауламасы жарамды күйде болуы тиіс. Электр желісіне қосылған үтіктер, шәйнектерді жанбайтын негіздерге қою керек.

- жылыту маусымы басталар алдында пештерді жөндеуден өткізіп, мұржаларды күл-қоқыстан айына кемінде бір рет тазартып тұрыңыз,

- пешке тамызғы ретінде тез жанғыш сұйықтықтарды қолдануға жол бермеңіз,

Ақтау қаласының Төтенше жағдайлар

басқармасы инженері Гүлбарам Ордабаева

Суреттерді түсірген Ақтау қаласының Төтенше жағдайлар басқармасы