Маңғыстауда коммуникациялық стратегиясының заманауи үрдістері талқыланды

Маңғыстау облыстық сотында сот жүйесін ілгерілетудің 7 бағытының бірі - коммуникациялық стратегияның негізгі бағыттарын түсіндіру, сот жүйесінің БАҚ-пен байланыс жұмысын жаңа бағытта дамыту, сот имиджін арттыру және мемлекеттік бағдарламаларды жүзеге асыру жолдарын талқылау мақсатында«Сот жүйесінің коммуникациялық стратегиясының заманауи үрдістері» тақырыбында семинар өткізілді.

Іс-шараға Маңғыстау облыстық сотының судьясы, БАҚ-пен байланысын үйлестірушісі А.Молбаева, аудандық соттардың БАҚ-пен байланысын үйлестіруші судьялар мен сот қызметкерлері қатысты. 

Семинарда сөз алған А.Молбаева «Сот жүйесін ілгерілетудің 7 түйіні» бойынша атқарылатын жұмыстар мен оларға ақпараттық қолдау көрсету, коммуникациялық стратегияның негізгі талаптары туралы айтты. Сондай-ақ, ол  облыстық сотта «Сот жүйесін жетілдірудің басым бағыттарын» жүзеге асыру үшін арнайы жұмыс тобы құрылып, халықтың нақты қажеттіліктерін қанағаттандырып, қоғам мен соттар арасындағы тиімді қарым-қатынасты орнату мақсатында құрылған «Оңтайлы орта» бағдарламасы Жоғарғы Соттың коммуникациялық стратегиясы болып табылатынына тоқталды. Ал, сот шешімдерін түсіндіру, қоғам мен бұқаралық ақпарат құралдарына «ашық сот» жағдайын жасау, БАҚ пен жұртшылықпен өзара іс-қимыл жасау үшін судьялар мен сот қызметкерлерінің ынталандыру шараларын арттыру, коммуникация арналарын тиімді пайдалану, соттардан беделді спикерлер пулын құру аталған жобаның негізгі міндеті екендігін жеткізді.

Одан әрі «Сыртқыортадағыақпараттықжұмыс және судьялар мен сот қызметкерлерініңішкімотивациясынарттыру.БАҚ-пен байланыс жұмысындағы қателіктер. Әлеуметтік желідегі жұмыстарды жүргізу тәсілдері» атты тақырыпта ақпараттық қамтамасыз ету бөлімінің басшысы Г.Нұрханова баяндама жасады. Арнайы дайындалған көрнекі слайд арқылы қатысушыларға әлеуметтік желінің соттағы рөлін, сот пен БАҚ-тың байланысының маңыздылығын егжей-тегжейлі түсіндірді.

Күн тәртібіндегі келесі мәселе бойынша бас маман Н.Өтеулиева сот ғимаратына өткізудің жаңа қағидаларын түсіндірді.

Жиын барысында судьялар мен сот қызметкерлерінің БАҚ-қа ақпарат беру тәртібі, қателіктер мен өзін ұстау, ақпаратты дайындау, іс-шараларды сәтті ұйымдастырып, оларға журналистердің қатысуын қамтамасыз ету бағытында тренингтер көрсетілді.

Қатысушылар ашықтық пен жариялылықты қамтамасыз ету бағытындағы жұмысты жүргізуде кездесетін қиындықтар, мәселелер туралы ойларымен, жұмыс тәжірибелерімен бөлісті. Сонымен қатар, жүктемесі көп, базалық соттарға немесе облыстық сотқа техникалық жұмыстарды атқару, көпшілік іс-шараларын ұйымдастыру жұмысымен айналысатын бір штат бөлу қажеттігі туралы ұсыныс білдірді.

Іс-шара қорытындысы бойынша қатысушылар соттар туралы сапалы ақпарат бере алатын спикерлер пулын құру туралы шешімге келді,- деп хабарлайды осы жаңалықпен бөліскен Маңғыстау облыстық сотының баспасөз қызметі

.

Суреттерді түсірген Маңғыстау облыстық сотының баспасөз қызметі