Тәртіп сақшылары аз қамтылған және көп балалы отбасыларға көмектесті

Жуырда Ақпараттық-аналитикалық орталықтың бастамасымен Маңғыстау облысы Ішкі істер департаментінде «Балаларды қорғау күніне» арналған қайырымдылық акциясы өткізілді. Акцияға Департаменттің барлық бөліністері қатысты. Жиналған қаражатқа 11 аз қамтылған көпбалалы отбасыларға азық-түлікпен, оқу құралдарымен, киіммен материалдық көмек көрсетілді»,- деп хабарлады облыстық ІІ Департаментінің Баспасөз қызметі.

Бұл акция мұқтаж жандарға  қамқорлық жасау үшін жүргізілді.

Ішкі Істер Департаментінің Баспасөз қызметі:

-Жыл ішінде құқық қорғау органдарының қызметкерлері әртүрлі қайырымдылық акцияларын өткізеді, аз қамтылған отбасыларға көмектесуге тырысамыз, балалар мерекесі қарсаңында оларға жақсы көңіл-күй сыйлаймыз деп шештік.

Жүрек түкпірімізде көмегіміздің тек қуанышқа ұласатынына сенімдіміз. Аталған акцияларды  тек бірінші рет қана емес, тұрақты түрде өткізуді жоспарлап отырмыз,- деп мәлімдеді.  

Суреттерді түсірген Ішкі Істер Департаментінің Баспасөз қызметі