«Ұлы Отан соғысының әскери тұтқындары» атты әлеуметтік-маңызды портал ашылды

Маңғыстау облыстық ішікі істер Департаментінің баспасөз қызметінің хабарлауынша, 2018 жылдың 3 мамыры күні Қазақстан Республикасы ІІМ-де тұтқынға түскен Кеңес Армиясының 60 мың жауынгері туралы мәлімет орналастырылған «Ұлы Отан соғысының әскери тұтқындары» атты  әлеуметтік-маңызды порталдың тұсаукесері өтті.

Әскери тұтқындардың туыстары бұл жерден олардың туған жылы, тұратын жері, соғысқа дейінгі алған мамандығы, жұмыс орны, әскери қызметке шақыру күні мен орны, қызмет жасаған орны, күні және тұтқынға түскендегі орны, тұтқыннан босату уақыты туралы  мәлімет ала алады.

Маңғыстау облысы ІІД арнайы мемлекеттік мұрағатының қызметкерлері де порталды құру жұмысына да өз үлестерін қосты. Біздің облыстың 586 тұрғыны фашист тұтқынынан өтті. Украинаның, Польшаның, Беларуссияның, Литваның, Латвияның, Эстонияның, Австрияның, Финляндияның, Францияның, Италияның, Чехияның, Словакияның, Германияның концентрациялық лагерлері.

Біздің отандастарымыз 75 неміс лагерінде болды. Олардың еңбегін шахталарда, тас кесетін жерлерде, зауыттарда, бомбалаудан кейінгі жолдарды салуда, ормандарды кесу кезінде және помещиктерге қызмет етуге пайдаланды. 17 адам тұтқында қайтыс болды. Көпшілігінің тағдыры белгісіз.

Маңғыстау облысының ІІД-де толығырақ ақпаратты табуға болады, мұрағат қызметкерлерімен мұрағаттағы істерден алынған тарихи құжаттардың, әскери тұтқындардың фотосуреттерімен кеңейтілген алфавиттік анықтамалығын жасады.

Ресей Федерациясы Қорғаныс министрлігінің «MemoriaL.ru», «Память народа.ru»   порталымен салыстырып, тексеру жүргізілді, әскери-айдау пукттерінің материалдары, неміс лагерлерінің кәртішкелері және тағы да басқа құжаттары негізінде анықтамалықтағы  жетіспейтін олқылықтар толтырылды.Мұнда әскери тұтқының босатылғаннан кейінгі тұрған орны туралы ақпаратты таба аласыз. Сондай-ақ анықтамалық жанұя мүшелері, олардың білімі туралы мәліметтермен толықтырылған. Қайтыс болған адамдардың  жерлеу орындары көрсетілген.

Суреттерді ұсынған Маңғыстау облыстық ішікі істер Департаментінің баспасөз қызметі