Қарақия ауданының ерікті өрт сөндіру құрамдары өзара жарысты

Қарақия ауданының елді-мекендерінде құрылған ерікті өрт сөндіру құрамдары арасында эстафеталық сайысы өткізілді. Жарысқа ауданнан үш топ қатысты. Эстафеталық сайыстың ережесіне сәйкес, қатысушылар келесі кезеңдер бойынша өзара жарысты:

1. Өрт сөндіру жауынгерлік киімін белгіленген уақытта кию;
2. Белгіленген уақыт аралығында жауынгерлік қанат жаю;
3. Құтқару арқандарын белгіленген уақытта байлау;

Аталған жарысқа «Жедел құтқару жасағы», «№2 өрт сөндіру бөлімінің» жеке құрамы қатысты.

Іс-шараны өткізу барасында топ қатысушыларына Төтенше жағдайлар және Өрт сөндіру қызметі жайлы көптеген мәліметтер беріліп, саланың қызметі туралы түсіндірілді.

Эстафеталық сайыс ерікті құрамдар үшін өте қызықты да тартысты жарыс болды. Сонымен қатар, іс шараны ұйымдастыру барысында өрт және жедел құтқару жасағының техникалары мен құралдарының көрінісі өткізілді.

Эстафеталық сайыс нәтижесінде жүлделі орын алған топтар әділқазылар мүшелерінің шешімімен кубоктар және мақтау грамоталарымен марапатталды. 

Елшібаев Данияр Дастанұлы

Қарақия ауданы Төтенше

жағдайлар бөлім бастығының м.а.

азаматтық қорғау аға лейтенанты

Суреттерді түсірген Қарақия ауданының Төтенше жағдайлар бөлімі