Облыстық сот ұжымы сенбілікке шықты

Наурыз айы туғалы өңірде сенбілік жұмыстарының қарқынды жүріп жатырғанын байқау қиын емес. 

Біз мұны шаһардағы әр көше бойында сенбілік жұмыстарына белсенді қатысып жүрген тұрғындардың ширақ қимылынан анық көреміз.

Бүгін қаламызды қоқыстан тазартып, айналамызды жасыл-желекке толтыру мақсатында Маңғыстау облыстық сотының ұжымы да сенбілікке шықты.

 Қолдарына тырма, сыпыртқы, күрек алған сот қызметкерлері сот ауласындағы қыстан қалған шөп, ағаш жапырақтарын тырмалап, ағаш отырғызды. Оған қоса сот ғимаратындағы темір қоршаулар сырланып, ағаш түптері әктелді.

Әрине, тұрып жатқан қаламызды, жұмыс жасап жүрген орынымызды таза ұстау үшін мұндай шаралардың  жиі ұйымдастырылуы маңызды. Сондықтан, кеңсе қызметкерлері үшін сенбілікке белсенді қатысу дәстүрге айналған.

Бұл туралы Маңғыстау облыстық сотыныңбаспасөз қызметі хабарлады

Суреттерді түсірген Маңғыстау облыстық сотыныңбаспасөз қызметі