Кәсіпкерлерді қолдау орталығы көмекке келеді

Елбасы Үкіметтегілерге «Қандай дүлей дауыл соқса да, әлеуметтің әлеуетін төмендетпеуге талпыныс жасаңдар, халық жұмыссыз қалмасын»- деген тапсырмасы ел есінде. Демек, атқарушы билік өкілдері берілген тапсырманы жүйелі атқармақ ниетте «Нәтижелі жұмыспен қамту және жаппай кәсіпкерлікті дамыту» деген бағдарламаны бекітіп, қазір сол бойынша біршама жұмыстар атқарылып жатыр.

Десек те, аталған бағдарламадан бөлек, өзге де жобалар жетерлік.

Яғни, кәсіп ашамын деген азаматтар үшін мемлекет барын салуда. Маңғыстау облыстық кәсіпкерлерге қызмет көрсету орталығында жыл басынан бері 362 клиентке 417 қызмет көрсетілген.

Көмекке жүгінгендердің басым бөлігі – шағын және орта кәсіп субъектілері бойынша кеңес алғандар. Кәсіпкерлерге қызмет көрсету орталықтары облыстың аудандарында жұмыс жасайтынын естеріңізге саламыз.

Кеңес керек болса, тұрғылықты мекен-жайыңыз бойынша сол аудандағы кәсіпкерлерге қызмет көрсету орталығына (КҚО) барсаңыз болады. Мұнда арнайы кеңесшілер қызмет етеді. Олар «Бизнестің жол картасы-2020», «Нәтижелі жұмыспен қамту және жаппай кәсіпкерлікті дамыту 2017 – 2021», «Экспортшы-2020», «Өнімділік-2020» мемлекеттік бағдарламалары туралы толыққанды  ақпарат беріп, қызметтерін көрсетеді.

Орталыққа келушілерге сонымен қатар бизнесті ашу, жабу және жүргізу мәселелері бойынша да тегін кеңес беріледі.

 Түрлі қаржы институттарының жұмыс шарттары түсіндіріледі, құжаттарды ресімдеу процесінде көмек көрсетіледі.

Әр ауданда КҚО «Бизнес-кеңесші» және «Бизнес-Өсім» жобалары бойынша оқыту семинарларына қатысуға өтінім жинауда жүзеге асырлатынын хабарлаймыз.

Кәсіпкерлерді қолдау орталығының баспасөз қызметі

Суреттерді түсірген кәсіпкерлерді қолдау орталығының баспасөз қызметі