Департамент қызметкерлері ізгілік танытты

Тәуелсіздік мерекесі қарсаңында «Азаматтарға арналған үкімет» Мемлекеттік корпорациясы» коммерциялық емес Акционерлік қоғамының Маңғыстау облысы бойынша филиалы-жер кадастры және жылжымайтын мүлікті техникалық тексеру департаментінің қызметкерлері қан тапсырып, «Өзгеге өмір сыйла» атты акцияға белсене қатысты.

-Аталған акцияның мақсаты-Жаңаөзен қаласы маңындағы Теңге ауылының теміржол өткелінде болған көлік апатынан зардап шеккен, қазіргі таңда ауруханада жатқан науқасқа көмек көрсету болып табылады.

Өз бетінше қан тапсыру – адамгершіліктің белгісі деп есептеймін. Сондықтан да мекемеміздің 30 қызметкері апат салдарынан зардап шеккен қандастарымызға көмек көрсетуді жөн санап, қайырымды іске атсалысуда.

Аталған акция аясында медициналық іріктеуден сәтті өткен әр қызметкерден 450 мл көлемінде қан алынды. Департаменттің қызметкерлері салауатты өмір салты мен донорлықты насихаттау жөніндегі іс-шараларға ұдайы қатысып тұрады,-дейді департамент директоры Мұса Хайруллиев.

Адам өміріне араша болуға ниеттеніп, өтеусіз қан тапсырғысы келген әрбір жанды облыстық қан орталығы қуана қарсы алады. Донор болатын адамдарғақойылатыталаптар: жасы 18-ден асқан, денсаулығы дұрыс әрі қолында төлқұжатыың болуы.

Суреттер автордыкі