Маңғыстауда бесінші үшем өмірге келді

Маңғыстаулық бесінші үшемді Камила Меңдібаева дүниеге әкелді. Нәрестелер 4 қазан күні облыстық перинатальдық орталығында өмірге келген. 19 қазан күні үшем мен анасын туысқандары орталықтан сән-салтанатпен шығарып алды.

26 жастағы Камила Меңдібаева Мұнайлы ауданының Маңғыстау-5 ауылында тұрады. Камиланың отбасында екі ұл мен бір қыз желкілдеп өсіп келеді. Енді олардың қатары үшемдермен екі ұл және бір қызбен толықты.

-Үшемдерімді жүктіліктің 32 аптасында өмірге әкелдім. Бірінші ұлым 2, 150 граммен, қызым 2 ,140 граммен және тағы бір ұлым 2, 120 граммен туылды. Балаларымды кесір тілігі арқылы дүниеге әкелдім. Сәбилеріме өмір сыйлаған алдымен Жаратқан иеме, орталық басшысы Жамал Жаманбаеваға, акушер Балнұр Қалдыбаеваға алғыс айтамын. Қазір жағдайларымыз жақсы,-дейді Камила Меңдібаева.