Ақтау қаласы прокуратурасының бастамасымен басқосу өтті

15 қыркүйек күні  облыс орталығының 4 шағынауданында орналасқан №5 орта мектепте  Ақтау қаласы прокуратурасының ұйымдастыруымен «Білім беру ұйымдарындағы қаражат жинау деректерінің алдын-алу» тақырыбында кездесу өтті.

Аталған өзекті тақырыпқа арналған басқосуға облыстық дін істері жөніндегі басқармасының, Ақтау қалалық Ішкі Істер басқармасы, қалалық білім бөлімінің лауазымды тұлғалары, мектептер және балабақшалар басшылары, сондай-ақ ата-аналар қатысты.

Жиында прокуратура қызметкерлері қатысушыларға білім беру ұйымдарында қаражат жинауға тыйым салатын заңнама талаптарын түсіндірді

         Сонымен қатар, басқосу кезінде білім беру саласындағы басқа да өзекті мәселелер, оның ішінде мектеп формасы, кәмелетке толмаған жасөспірімдермен жасалатын құқық бұзушылықтардың алдын-алу мәселелері қызу  талқыланды. 

-Ата-аналар тарапынан жиын кезінде білім беру ұйымдарында қаражат жинауға қатысты бір де бір шағым түскен жоқ. Кездесудің болатыны туралы  қала тұрғындары бұқаралық ақпарат құралдары арқылы алдын ала ескертілді, - деп мәлімдеді Ақтау қаласының прокуратурасы.