Маңғыстаулық жастар Әлем чемпионатында үш қола медальды жеңіп алды
12 Сентября 2017 (22:31) | 2588 | Автор: Нурганым Имашева
Венгрия астанасы Будапешт қаласында гір тасын көтеру және қол күресінен Әлем чемпионаты өтіп жатыр. Жарыстың алғашқы күндері мұнайлылық спортшылар Ыбырай Шолпанов, Айжан Маймақова қола медальдарды иеленіп, бапкерінің үкілеген үмітін ақтады.
-Жасөспірімдер арасында Ыбырай жекелей оң қолдан және сол қолдан үшінші орынды, жастар арасында Айжан жекелей сол қолдан үшінші орынды жеңіп алды.
Ыбырай-биыл 11-сыныпта оқиды. Осы уақытқа дейін 2 мәрте Азия чемпионы және 3 рет Қазақстан чемпионы атанды. Ал, Айжан қызымыз өткен жылы Малайзияда өткен Әлем чемпионатынан да қола медальды иеленген болатын, биыл да сол үдеден шыға білді.
Өкінішке орай, бұл жарыста шәкіртім Жансүйген Мамақова төртінші орыннан көрінді, сәл жеңіс жетпей қалды.
Жалпы, әлемдік дода 1-13 қыркүйек аралығында Будапештте өтуде. Оған 30 елдің үздік спортшылары қатысуда,-дейді спортшыларды жарысқа дайындаған бапкер Исенбай Матенов.
Жаттықтырушының айтуынша, бүгінгі таңда Мұнайлыда 40 адам гір тасын көтеру және қол күресінен жаттығып жүр.
будьте в курсе всех новостей Присылайте свои новости на WhatsApp
+7 777 259 44 50
Зарегистрируйтесь или войдите в систему