Балаларды қуантты

         Сай-Өтес станциясы желілік полиция бөлімшесінің қызметкерлері «Мектепке жол» акциясын ұйымдастырды. Акция аясында «Өтес орта» мектебінің аз қамтылған жəне жартылай жетім отбасы оқушыларына сабаққа қажетті оқу құралы мен мектеп формасын сыйға тартты.

         -Қайырымдылық іске белсене атсалысып,  балаларға шаттық сыйлаған жеке құрамға алғыс айтамын. Қазақстан Республикасы ІІМ Əкімшілік полиция комитетінің нұсқауына сəйкес, 1 тамыз бен 30 қыркүйек аралығында «Мектепке жол» атты республикалық акция өткізілуде.

 Акцияның басты мақсаты-материалдық тұрғыда аз қамтылған жəне көп балалы отбасынан шыққан оқушыларға, сондай-ақ оқу жылының басына дайындық уақыты кезінде ата-аналарының қамқорлығынсыз қалған балаларға көмек қолын созу,-дейді Сай-Өтес станциясы желілік полиция бөлімшесінің бастығы, аға лейтенант  А.Умарбаев.