«Вундеркинд» балалар лагерінің бүлдіршіндері өрт сөндірушілерде қонақта

Құтқарушылар Ақтау қаласы өрт сөндіру қызметінің мұражайында және № 1 мамандандырылған өрт сөндіру бөлімінде «Вундеркинд» балалар жазғы лагерінің тәрбиеленушілеріне арнап экскурсия өткізді.

Балаларға арнап өрт сөндіру бөлімінде қызықты, танымдық экскурсия жүргізілді, экскурсовод балғындарға өрт сөндірушінің жауынгерлік киімін, қорғау жабдықтарын және жеке өрт сөндіру құралдарын көрсетті, сонымен қатар бөлімше өрт сөндірушілерінің күнделікті қызметі жөнінде де айтып өтті.

Экскурсияның арқасында балалар өрт қауіпсіздігі ережелері жайында және де алғашқы өрт сөндіру құралдарын қалай қолдану керектігін біліп алды.

Балақайлар үлкен ынтамен мамандардың айтқандарын ұғып алып, жабдықтарды қарап, өрт сөндірушінің жауынгерлік киімдерін шақтап көрді.

-Осындай түрдегі іс-шаралар өткізу Маңғыстау облысы ТЖД «Өрт сөндіру және авариялық-құтқару жұмыстары қызметінде» әлдеқашан қайырымды дәстүрге айналған. Өрт сөндіру бөліміне келу арқылы балалар төтенше жағдай кезінде өзін-өзі ұстау ережесі немесе оның туындауына кедергі жасау жөнінде ұғады, - дейдіаталмыш жағымды жаңалықпен бөліскен Маңғыстау облысы ТЖД «Өрт сөндіру және авариялық-құтқару жұмыстары қызметінің» мемлекеттік тіл және ақпарат тобы.