Өрендер Астанаға барады

«Өркениетті келешек» қоғамдық қоры Маңғыстау облысының білім басқармасының «Мектеп оқушыларын Астана қаласында өтетін халықаралық «ЭКСПО-2017» мамандандырылған көрмесіне қатыстыру» әлеуметтік маңызды жобасын жүзеге асырады.

Қоғамдық қордың директоры Гүлбаршын Қарабалинаның мәлімдеуінше, «Жоба аясында жетім балалар мен аз қамтылған отбасыларының дарынды балалары Астана қаласында өтіп жатқан халықаралық «ЭКСПО-2017» мамандандырылған көрмесіне қатыстырылады».

-Балалар тек көрмеге барып қана қоймай, бос уақытта олар үшін Астана қаласының көрікті жерлерімен таныстыру мақсатында экскурсиялық танымдық бағдарламалар ұйымдастырылады.

Жоба аясында Астана қаласына сапармен баратын барлық балалардың саны - 50 бала,-дейді «Өркениетті келешек» қоғамдық қорының директоры Гүлбаршын Қарабалина.