Баламен кезедсу тәртібі бекітілді

Сотқа талап қоюшы С. жауапкер Г-дан  баламен кездесу тәртібін анықтау туралы талаппен жүгініп, жауапкермен 2010 жылдан 2016 жылға дейін некеде тұрғанын, ортақ некеден 2011 жылы туған бір баласы бар екенін, қорғаншылық және қамқоршылық функцияларын жүзеге асыратын орган жасақтаған келісімге сәйкес ай сайын екі рет таңертеңгі сағат 11-ден кешкі сағат 18-ге дейін баламен кездесу тәртібі анықталғанын көрсеткен. Алайда, уәкілетті органның осындай келісіміне қарамастан, жауапкер өзіне баламен кездесуге кедергі келтіріп жүргенін көрсетіп, ай сайын екі рет таңертеңгі сағат 11-ден кешкі сағат 18-ге дейін өзінің үйінде баламен кездесу тәртібін анықтап беруді сұраған.

Сот неке және отбасы саласындағы қолданыстағы заң нормаларын басшылыққа алып және баланың жасын ескеріп, талап қоюшының талабын толық көлемінде қанағаттандырды. Шешім заңды күшіне енген жоқ. Бұл туралы Маңғыстау облысының кәмелетке толмағандардың істері жөніндегі мамандандырылған сотының Баспасөз қызметі хабарлайды.