Ақтау қаласы аумағында орналасқан білім беру мекемелеріндегі өрт қауіпсіздігінің жай-күйі талқыланды

Ақтау қаласының Төтенше жағдайлар басқармасы, білім беру мекемелерінің басшылары және өрт қауіпсіздігіне жауапты тұлғаларының қатысуымен, ерекше тәртіп бойынша тексеріс нәтижесін қорытындылап, «ҚР Білім және ғылым Министрлігіне қарасты, қала аумағындағы білім беру нысандарының өрт қауіпсіздігінің жай-күйі» тақырыбында дөңгелек үстел өткізді.

Бұл туралы біздің басылым сайтына аталмыш Басқарма мамандары хабарлады.

Басқосуда Ақтау қаласының Төтенше жағдайлар басқармасының бас маманы азаматтық қорғау капитаны Н.Борашев, «ҚР Білім және ғылым Министрлігіне қарасты, қала аумағындағы білім беру нысандарының өрт қауіпсіздігінің жай-күйі туралы» тақырыбында баяндама оқыды.

Сонымен қатар, Ақтау қаласының Төтенше жағдайлар басқармасы бастығы азаматтық қорғау подполковнигі А.Искаков, білім беру нысандарын тексеру нәтижесінде анықталған өрт қауіпсіздік ережелерінің бұзушылықтарына жеке - жеке тоқталып, қиындық туғызатын сұрақтар мен олардың шешу жолдарын талдап түсіндірді.

Шараға қатысушылар негізгі мәселені талқылау барысында өрт қауіпсіздігін сақтау мәселесіне қатысты сұрақтар қойды және олар бойынша мамандардан нақты, негізделген жауаптар мен ұсыныстар алды.

Кездесу соңында қатысушылар басқарма басшылығына алғыстарын білдірді және өткізілген шараның маңыздылығын атап өтті.