Абыл Тарақұлы атындағы ұлт-аспаптар оркестрі өнер кешіне шақырады

25 Мая 2017 (10:31) | 4101 | Автор: Нурганым Имашева

Құрметті өнер сүйер қауым!

Мұрат Өскінбаев атындағы Маңғыстау облыстық филармониясының Абыл Тарақұлы атындағы ұлт-аспаптар оркестрі Ақтау қаласының тұрғындарын және қонақтарын 2017 жылдың 26 мамыры күні сағат 19:00 – де облыстық филармония залында өтетін «Туған елге тағзым» атты өнер кешіне шақырады.

Концертке көркемдік жетекшісі және бас дирижері, «ҚР Еңбек сіңірген қайраткері» Рахат Мадреев жетекшілік ететін Абыл Тарақұлы атындағы ұлт-аспаптар оркестрі, «ҚР мәдениет қайраткері» Жоламан Көшкінов, «Мәдениет саласының үздіктері» Ақмарал Ерімбетова, Асқар, Асанәлі Көшеровтер, республикалық «Жас қанат-2013» ән байқауының Гран-при жүлдегері Аида Байгелова, республикалық байқаулардың жүлдегерлері : Гүлжамал Ербозова, Данияр Сағынғалиұлы, Тұрсынгүл Меңдіғалиева, Сәбит Шектібаев, Шаһаризада Сапарова, Сәния Асанова, Камшат Ізтілеуова қатысады.

«Құлақтан кіріп, бойды алар әсем ән мен тәтті күйдің» әсеріне бөленіп, туған жер әуендерін тыңдап, көңіл көкжиегін шарықтатып қайтуға асығыңыз, ардақты ағайын! Аймақ өнерпаздарының орындауындағы әуезді әндер мен күмбір күйдің құдыретін сезіну мүмкіндігін сыйлар өнер кешінен құр қалмаңыз!

Өтетін орны: Ақтау қаласы, 5 шағынаудан, Маңғыстау облыстық филармониясы.

Байланыс телефоны: 52-17-47. 8701 387 5310