Жыл басынан бері Ақтауда 4 адамның суға кету фактісі орын алған

«2017 жылдың өткен 6 айы ішінде қала аумағында 4 адамның суға кету фактісі тіркелді (2016 жылы тіркелген жоқ), соның ішінде «Шора» су каналында 1 адам суға кетіп, 2 адам құтқарылды»- деп хабарлайды төтенше жағдайлар саласының қызметкерлері.

2017 жылдың 28 шілдесінде Ақтау қаласының Төтенше жағдайлар басқармасы мен «Жедел құтқару жасағы» мемлекеттік мекемесі бірлесе отырып Ақтау қаласы «Шора» су каналы аумағында төтенше жағдайдың алдын алу мақсатында жағалауда демалушылар арасында үгіт-насихат жұмыстарын жүргізді.

-«Шора» су каналы суға түсуге болмайтын, қауіпті аймақ болып табылады. Бұл жерде 2003 ж.-2017 ж.жылдар аралығында 39 адам суға кетті.

 Қала тұрғындарына бірнеше рет бұл жердің қауіпті аймақ екені ескертілсе де, «қауіпті аймақ» деген белгіменкөрсетіліп тұрса да, шомылуға келетін адамдар саны азаяр емес, - дейді Ақтау қаласының Төтенше жағдайлар басқармасы мен «Жедел құтқару жасағы» мемлекеттік мекемесінің мамандары.