Мұнайшылар көмекке 52 млн теңге аударды

Тасқын судан зардап шеккен аймақ тұрғындарының ахуалы батыстағы мұнайшыларды да бей-жай қалдырмай отыр. Маңғыстаулық қара алтын игерушілер көмек болсын, деп бір күндік жалақыларын аударды. Аймақтағы ірі компанияда 5 жарым мыңдай жұмысшы еңбек етеді. Мұнайшылардан жиналған 52 млн теңге көрші жатқан Ақтөбе облысындағы табиғи апаттан баспанасыз қалғандарға аударылды. Бұл қаржыға бірнеше үй салып беруге болады, дейді кеншілер.

НҰРСЕРІК КҮДІРЕЕВ, «МАҢҒЫСТАУМҰНАЙГАЗ» КОМПАНИЯСЫ БАСШЫСЫНЫҢ ОРЫНБАСАРЫ:

-Біз де тыс қалмай бір жеңнен қол шығарып, бір жағадан бас шығарып, елбасына туған осындай күнде біз қолымыздан келген барлық елге деген көмегімізді жасап жатырмыз. Ақтөбе облысында құрылған қайырымдылық қоры бар, соған 52 млн астам қаржымызды аударып жатырмыз.