Маңғыстау облыстық сотының құрамы жаңа судьямен толықты

Маңғыстау облыстық сотының төрағасы Ж.Аланов облыстық соттың жалпы отырысында  Қазақстан Республикасы Президентінің Жарлығымен Ақтау қаласының №2 сотының жаңа тағайындалған судьясы Нурумова Эльмира Серікқызын ұжымға салтанатты түрде таныстырды.

Шараға сот төрағасы Ж.Аланов және судьялар, аудандық және оған теңестірілген соттардың төрағалары мен судьялары, кеңсе қызметкерлері қатысты.

Нурумова Эльмира Батыс Қазақстан облысы Казталов аудандық сотында 2004-2010 жылдар аралығында бас маман, сот отырысының хатшысы, 2010-2013 жылдар аралығында Батыс Қазақстан облысының мамандандырылған ауданаралық экономикалық сотында бас маман лауазымдарын атқарған.

Ол өз міндеттерін адал әрі абыройлы орындауға, сот төрелігін Қазақстан Республикасының Конституциясы мен заңдарына ғана бағына отырып жүзеге асыруға, судьялық борышы міндеттегендей бейтарап және әділ болуға салтанатты түрде ант берді.

Сот төрағасы жаңа тағайындалған судьяны құттықтап, оған табысты жұмыс, міндеттеріне адал болуды және азаматтар мен заңды тұлғалардың заңды мүдделерін қорғауда әділ болуды тіледі.