Төтеншеліктер Ақтау тұрғындарының қауіпсіздік туралы білімдерін тексерді

Ақтау қаласының Төтенше жағдайлар басқармасы қызметкерлері Көкшетау техникалық институтының тәлімгерлерімен бірлесіп қала аумағында адамдар жаппай жиналатын сауда-саттық орындарында «Төтенше жағдай туралы не білесіз?» тақырыбында акциясын жүргізді.

-Бұл акцияны жүргізудегі мақсат - қарапайым халыққа төтенше жағдай кезіндегі алғашқы іс-әрекетті және алдын алуды түсіндіру. Акция барысында қала тұрғындарымен осы тақырыпта сұхбаттар жүргізіліп, жадынамалар таратылды,- деп хабарлайды Ақтау қаласының Төтенше жағдайлар барсқармасының аға инженері азаматтық қорғау майоры Мадалиева Дана Нұрмаханбетқызы.